13 თებერვალს, საქართველოს ფეხბურთის ფედერაციაში აღმასკომის სხდომა გაიმართა.
აღმასრულებელმა კომიტეტმა საქართველოს 2017 წლის XXIX ჩემპიონატისა და დავით ყიფიანის სახელობის თასის XXVIII გათამაშების დებულება დაამტკიცა.
დღესვე სხდომაზე 15, 17 და 19 წლამდელთა ასაკობრივი ლიგების 2017 წლის გათამაშების დებულებაც დამტკიცდა.
დღესვე აღმასკომის წევრებს სფფ-ის ლიცენზირების მენეჯერმა 2017 წლის ლიცენზირების პროცესის შედეგები გააცნო.
„მოგეხსენებათ, 2017 წლის სეზონი 4 მარტს დაიწყება და შარშანდელი ჩემპიონი, „სამტრედია“ საშინაო შეხვედრაში ქობულეთის „შუქურას“ უმასპინძლებს. აგრეთვე, დამტკიცდა თასის გათამაშების ფორმატი. თასის გათამაშება 2 მარტს აიღებს სტარტს. პირველ საკვალიფიკაციო ეტაპზე, რომელიც 3 ეტაპისაგან შედგება, მონაწილეობას მიღებს 60 გუნდი, ხოლო რანგით პირველი და მეორე ლიგის გუნდები მეთექვსმეტედფინალური ეტაპიდან შეუერთდებიან თასის გათამაშებას. ასევე 2, 6 და 10 მარტს ჩატარდება საკვალიფიკაციო ეტაპები, რომლებიც იმ 12 გუნდს გამოავლენს, რომელიც 15 მარტიდან მეთექვსმეტედფინალურ ეტაპზე ჩაერთვებიან 20 გუნდთან ერთად. გასული სეზონის მსგავსად შემდეგ ეტაპზე გამსვლელი გუნდები ერთმატჩიანი დაპირისპირებით გამოვლინდებიან“-განაცხადა დავით მუჯირმა.