უმაღლეს ლიგაში პლეი-ოფის პირველი მატჩები გაიმართა

30 ნოემბერს, საქართველოს ეროვნული ჩემპიონატის უმაღლესი ლიგის ბრინჯაოს პლეი-ოფის პირველი მატჩები გაიმართა. ორივე შეხვედრა კოლუმბიაში მომხდარი ავიაკატასტროფის შედეგად დაღუპული ბრაზილიური საფეხბურთო კლუბის "შაპეკოენსეს" ფეხბურთელთა ხსოვნის პატივსაცემად წუთიერი დუმილით დაიწყო.

მიხეილ მესხის სახელობის სტადიონმა თბილისურ დერბის უმასპინძლა. „საბურთალოსა“ და „დინამოს“ დაპირისპირება გატანილი გოლების გარეშე 0:0 დასრულდა. ორივე გუნდის კართან რამდენიმე მომენტი შეიქმნა, თუმცა უშედეგოდ. საპასუხო შეხვედრა 4 დეკემბერს „დინამო არენაზე“ გაიმართება.

მეორე შეხვედრაში ქუთაისის „ტორპედომ“ ბათუმის „დინამოს“ უმასპინძლა. შეხვედრა, მოლოდინისამებრ, დაძაბული და საინტერესო გამოდგა. ანგარიში 28-ე წუთზე გაიხსნა: ქუთაისელთა ვეტერანმა ნახევარმცველმა, შოთა ბაბუნაშვილმა პენალტი ზუსტად შეასრულა და მეტოქის კარი აიღო. მასპინძლებმა უპირატესობის განმტკიცება მეორე ტაიმში მოახერხეს, 64-ე წუთზე გიორგი ქიმაძემ გაიტანა. გაშვებულმა ორმა გოლმა ბათუმელები არ მოადუნა და 72-ე წუთზე თეიმურაზ შონიამ სხვაობა შეამცირა. დარჩენილ დროში ანგარიში აღარ შეცვლილა და „ტორპედომ“ 2:1 იმარჯვა. წყვილის საპასუხო შეხვედრა ასევე 4 დეკემბერს გაიმართება, მატჩს ქობულეთის „ჩელე არენა“ უმასპინძლებს.

შეგახსენებთ, რომ 1 დეკემბერს, უმაღლესი ლიგის პლეი-აუტის პირველ მატჩებში ბოლნისის „სიონი“ ქობულეთს „შუქურას“ უმასპინძლებს, ლანჩხუთის „გურია“ კი, გორის „დილას“.

{"preview_thumbnail":"","video_url":"https://www.youtube.com/watch?v=h2jib4VxkUw","settings":{"responsive":1,"width":"913","height":"460","autoplay":0},"settings_summary":["Embedded Video (Responsive)."]}

51’ მამუჩაშვილი (საბურთალო), 78’ ლობჟანიძე, 90’ ჭელიძე (ორივე დინამო თბ)

{"preview_thumbnail":"","video_url":"https://www.youtube.com/watch?v=SYWW545pOF4","settings":{"responsive":1,"width":"913","height":"460","autoplay":0},"settings_summary":["Embedded Video (Responsive)."]}