1 სექტემბერს საქართველოს ეროვნული ჩემპიონატის მეორე ლიგის გათამაშება იწყება. წლეულს საქართველოს ეროვნული ჩემპიონატის მეორე ლიგაში გუნდების უპრეცენდენტო რაოდენობა იღებს მონაწილეობას. გათამაშებაში მონაწილე 65 გუნდი ტერიტორიული პრინციპით 8 ქვეჯგუფში გადანაწილდა.
ტურნირი 1 სექტემბერს დაიწყება, ორ წრედ ჩატარდება და ჯგუფების გამარჯვებულები ზედა დივიზიონში დაწინაურდებიან, თითოეული ჯგუფიდან 5-5 გუნდი კი ადგილს შეინარჩუნებს. პირველი ტურის მატჩები 1 და 2 სექტემბერს გაიმართება.
