9 ივნისს, 15:00 სთ-ზე, სასტუმრო „ჰოლიდეი ინნ“-ში საქართველოს ფუტსალის ლიგის 2016 წლის გათამაშების ფინალური შეხვედრისადმი მიძღვნილი პრესკონფერენცია გაიმართება.
ღონისძიებას საქართველოს ფეხბურთის ფედერაციის პრეზიდენტი ლევან კობიაშვილი და სპორტული სააგენტო SBM-ის დირექტორი ზაალ ჩიტალაძე დაესწრებიან. საქართველოს ფუტსალის ლიგის ფინალური შეხვედრა 10 ივნისს, 18:00 საათზე ახალ სპორტის სასახლეში გაიმართება, რომელშიც ერთმანეთს თსუ და სტუ-თელასი დაუპირისპირდებიან.
ღონისძიების დასრულების შემდეგ ფინალის მონაწილე გუნდების მწვრთნელები და კაპიტნები მედიისთვის წინა სამატჩო კომენტარებს გააკეთებენ.
![](https://gff.ge/sites/default/files/styles/article_full_thumb/public/6e4ae927898a42d7a9a6de076e80d426.jpg?itok=7uWzCUG5)
ფუტსალი
გაუზიარე