საქართველოს ფუტსალის ლიგა: ჩემპიონობისთვის ორი საუკეთესო იბრძოლებს

30 მაისს, ახალ სპორტის სასახლეში საქართველოს ფუტსალის ლიგის განმეორებითი ნახევარფინალური შეხვედრები გაიმართა და გაირკვა იმ ორი გუნდის ვინაობა, რომლებიც წლევანდელი გათამაშების ფინალში ითამაშებენ. როგორც მოსალოდნელი იყო, საქართველოს საუკეთესო გუნდის ტიტულის მოსაპოვებლად ერთმანეთს მოქმედი ჩემპიონი სტუ-თელასი და თსუ დაუპირისპირდებიან. 

მიუხედავად საკადრო პრობლემებისა, „სტუდენტებმა“ განმეორებით შეხვედრაშიც სძლიეს თბილისს 7-4 და გამარჯვებათა ასპროცენტიანი შედეგით ფინალის საზგურიც დამსახურებულად მოიპოვეს. კვლავ შეუჩერებელი იყო მათი შემტევი გია ნიკვაშვილი, რომელმაც თავი ხუთი გატანილი გოლით გამოიჩინა და ბომბარდირთა დავაშიც ერთპიროვნულად დაწინაურდა. თსუ-მ კი ორი მატჩის ჯამში 15-7 აჯობა მეტოქეს.

გაცილებით მეტი ინტრიგა და მოლოდინი ახლდა თელასის და აფხაზეთის განმეორებით ნახევარფინალურ დაპირისპირებას. პირველ შეხვედრაში ჩემპიონს მინიმალური სხვაობით ყავდა მეტოქე დამარცხებული (4-3). თუმცა  პირველი შეხვედრისგან განსხვავებით „ენერგეტიკოსებმა“ ამჯერად უფრო იოლად 5-2 სძლიეს „შავიზღვისპირელებს“. ყოველივეს მთავარი მიზეზი კი აფხაზეთის ფეხბურთელების გამუცდელობა, დაცვაში დაშვებული უხეში შეცდმოები და თავად „თელასის“ მოთამაშეების სათამაშო კლასი გახლდათ, რამაც ობიექტური შედეგი მოიტანა - ორი მატჩის ჯამში 9-5 თელასის სასარგებლოდ და ჩემპიონი ტიტულის დასაცავად იბრძოლებს.

ფინალური შეხვედრა 10 ივნისს, ახალ სპორტის სასახლეში გაიმართება. ამავე დღეს შედგება  მატჩი მესამე ადგილისათვის რომელშიც ერთმანეთს თბილისი და აფხაზეთი დაუპირისპირდებიან.

ბომბარდირები:  გიორგი ნიკვაშვილი (თსუ) – 23, მელტონ ახალაია (აფხ) – 21, აბი აჰი ალფონსე (სპარტ), ლაშა სიგუნავა (თსუ) - 17

30.05.2016. საქართველოს ფუტსალის ლიგა. 1/2 ფინალი (II)

თსუ - თბილისი 7-4 (8-3)

გოლები: 7:06’ ნიკვაშვილი (1-0), 7:26’ ნიკვაშვილი (2-0), 8:30’ ნიკვაშვილი (3-0), 9:31’ სიგუნავა (4-0), 16:29’ ნიკვაშვილი (5-0), 21:12’ მაისურაძე (5-1), 27:17; სიგუნავა (6-1), 31:03’ რეხვიაშვილი (6-2), 32:58’ ნიკვაშვილი (7-2), 34:01’ რეხვიაშვილი (7-3), 36:33’ რეხვიაშვილი (7-4)

გოლები: 3:24’ დევდარიანი (1-0), 5:20’ ახალაია (1-1), 6:35’ ასათიანი (2-1), 8:52’ კურბანოვი (3-1), 26:21’ წვერავა (4-1), 29:10’ კურბანოვი (5-1), 30:49’ ქეშელაშვილი (5-2)

გაფრთხილება: 7:06’ დევდარიანი (თელ), 15:49’ გოგოლაძე (აფხ)


სპორტული სააგენტო SBM-ის პრესსამსახური