საქართველოს ფეხბურთის ფედერაციაში აღმასრულებელი კომიტეტის სხდომა ჩატარდა. სხდომის წევრებმა 2016 წლის სფფ-ის ყრილობის თარიღი დაამტკიცეს. რიგით 26-ე ყრილობა 2016 წლის 28 ივნისს გაიმართება. აღმასკომის სხდომაზე დღეს ასევე განიხილეს ფეხბურთის ფედერაციის წევრი ასოციაციების საკითხი. ამ ეტაპზე ფეხბურთის ფედერაციის ოთხ წევრს უფლებამოსილება შეუჩერდა. მათ შორის, საფეხბურთოს სკოლების ასოციაციას, ინვალიდ-ამპუტანტთა ლიგას, ბიჩ სოკერის ასოციაციას და ეზოს ფეხბურთის ასოციაციას. ფეხბურთის ფედერაციამ მის თითოეულ წევრს მიმართა, წერილობით წარმოედგინათ საქმიანობისა და სამომავლო გეგმების შესახებ ინფორმაცია. სამმა წევრმა არ წარმოადგინა გეგმა. ინვალიდ-ამპტუტანთა ლიგამ კი არსებული ხარვეზების პარალელურად არალეგიტიმური არჩევნები ჩაატარა. ასეთ ვითარებაში სფფ-მ წევრობის შეჩერების გადაწყვეტილება მიიღო. აღნიშნული წევრებისთვის უფლებამოსილების აღდგენის საკითხზე 28 ივნისს დაგეგმილ სფფ-ს ყრილობაზე იმსჯელებენ.
სფფ-ს პრესსამსახური
![](https://gff.ge/sites/default/files/styles/article_full_thumb/public/218977f5741349d5b445a011a877659a.jpg?itok=gbK1ekv9)
სფფ
გაუზიარე