საქართველოს ქალ ფეხბურთელთა ნაკრები ამხანაგურ მატჩებს დუბაიში ჩაატარებს. ლევან ბაჯელიძის გუნდი 20 თებერვლიდან ტექნიკურ ცენტრ „ბასაზე“ შეიკრიბა და დღეს დუბაიში გაემგზავრა. ლევან ბაჯელიძის გუნდი დუბაიში ორ ამხანაგურ შეხვედრას არაბეთის გაერთიანებული საამიროების წინააღმდეგ გამართავს. მატჩები 24 და 27 თებერვალს შედგება. ქალთა ნაკრებს დუბაიში გამგზავრებამდე სფფ-ს გენერალური მდივანი, დავით მუჯირი შეხვდა. საქართველოს ნაკრების შემადგენლობა:
მეკარეები: თამარ ნადირაშვილი („ჟალგირისი“, ლიტვა), თეონა სუხაშვილი (ლაგოდეხის „ჰერეთი“)
მცველები: ნათია სხირტლაძე (თბილისის „იბერია სტარი“), ნინო კოჭლამაზაშვილი („გაბალა“, აზერბაიჯანი), ანა ზაქაიძე (თბილისის „იბერია სტარი“), ნინო სუთიძე („ქონაქი ბელედიესპორი“, თურქეთი), თამარ ტატუაშვილი („სამსუნი “,თურქეთი), ნინო ჩხარტიშვილი (ლანჩხუთის „გურია“)
ნახევარმცველები: ანა ჩემინავა („ჟალგირისი“, ლიტვა), თინათინ თევდორაძე (თბილისის „იბერია სტარი“), მარიამ ბასილაძე („გაბალა“, აზერბაიჯანი), თეონა თოდაძე („სამსუნი“, თურქეთი), თეონა ბაქრაძე (ზუგდიდის „ბაია“), ლანა გორგაძე (ქუთაისის „მართვე“), ნინო პასიკაშვილი („ატაშეჰირი ბელიდიესპორი“, თურქეთი)
თავდამსხმელები: ლელა ჭიჭინაძე („ატაშეჰირი ბელიდიესპორი“, თურქეთი), თამრიკო კვალიაშვილი (თბილისის „იბერია სტარი“), მარიამ დანელია (სენაკის „სენაკი“)
სფფ-ს პრესსამსახური