ისევე როგორც შარშან, ფეხბურთის ფედერაციის ყოველთვიურმა ჟურნალმა Number One წლეულსაც ჩაატარა ჟურნალისტთა გამოკითხვა ორ ნომინაციაში: 2014–15 წლების სეზონის საქართველოს საუკეთესო ფეხბურთელი და საქართველოს ეროვნული ჩემპიონატის საუკეთესო ფეხბურთელი.
გამოკითხვაში გაიმარჯვეს ჯაბა კანკავამ და გიორგი პაპუნაშვილმა (დინამო თბილისი /ვერდერი).
შეგახსენებთ, რომ ჟურნალისტთა შარშანდელი გამოკითხვის მიხედვითაც საქართველოს საუკეთესო ფეხბურთელი ჩვენი ეროვნული ნაკრების კაპიტანი კანკავა გახდა, ეროვნული ჩემპიონატის საუკეთესო მოთამაშედ კი ესპანელი ჩისკო დასახელდა.
გამოკითხვის შეჯამების წესი ასეთი გახლდათ: ყველა გამოკითხულ ჟურნალისტს თითოეულ ნომინაციაში სამი ფეხბურთელის დასახელება შეეძლო და შედეგი ამ სისტემით დავაჯამეთ – პირველი ადგილი 5 ქულა, მეორე ადგილი 3 ქულა, მესამე ადგილი 1 ქულა.
წლევანდელ გამოკითხვაში 46 სპორტული ჟურნალისტი მონაწილეობდა.