გივი ჩოხელის სახელობის 19-წლამდელთა ლიგის 2025 წლის სეზონის გამარჯვებული დინამო თბილისის ასაკობრივი გუნდი გახდა.
გათამაშების დასკვნითი შეხვედრა, რომელიც დინამოსა და იბერია 1999 შორის ჩატარდა, ფრედ, 2:2 დასრულდა.
სეზონის გამარჯვებულები ოქროს მედლებით და საჩემპიონო ფარით სფფ-ის ვიცე-პრეზიდენტმა, ალექსანდრე იაშვილმა დააჯილდოვა.
დინამო თბილისის 19-წლამდე გუნდმა ჩემპიონატი 66 ქულით პირველ ადგილზე დაასრულა. მეორე ადგილზე 60 ქულით იბერია 1999 გავიდა, ხოლო მესამეზე თბილისის ლოკომოტივი, რომელმაც სეზონი 42 ქულით დაასრულა.