საქართველოს ფეხბურთის წარმომადგენლები მიმდინარე კვირას უეფას ევროტურნირების მატჩებზე იმუშავებენ.
27 ნოემბერს, კრაიოვას უნივერსიტატეას და გერმანული მაინცის შეხვედრის დელეგატი იქნება სფფ-ის სპორტული ღონისძიებების დეპარტამენტის ხელმძღვანელი ირაკლი ნაკაიძე. აღნიშნული შეხვედრა უეფას კონფერენს ლიგის ფარგლებში შედგება.
ამავე დღეს, OFFS პროექტის კოორდიანტორი, მამუკა კვარაცხელია, ფრანკფურტის აინტრახტსა და ბერგამოს ატალანტას შორის უეფას ახალგაზრდული ლიგის მატჩის დელეგატი იქნება.
უეფას ახალგაზრდული ლიგის მატჩის დელეგატი იქნება სფფ-ის საერთაშორისო ურთიერთობების დეპარტამენტის ხელმძღვანელი თამარ ჭიჭინაძე. სფფ-ის წარმომადგენელი ჰაიფას მაკაბისა და ნანტის 19-წლამდე გუნდების მატჩზე იმუშავებს, რომელიც 26 ნოემბერს გაიმართება.