სლავა მეტრეველის სახელობის საქართველოს სუპერთასის 2025 წლის გათამაშების ნახევარფინალური მატჩები 26 და 27 ივნისს შედგება.
გათამაშებაში საქართველოს სახელით ევროტურნირებზე გასული ოთხი გუნდი მონაწილეობს: მოქმედი ჩემპიონი იბერია 1999, დავით ყიფიანის სახელობის თასის მფლობელი სპაერი და ეროვნული ლიგის 2024 წლის სეზონში მეორე და მესამე ადგილზე გასული გუნდები - ტორპედო ქუთაისი და გორის დილა
26 ივნისს, სუპერთასის ნახევარფინალში თბილისის იბერია 1999 - გორის დილას შეხვდება, ხოლო 27 ივნისს თბილისის სპაერი - ქუთაისის ტორპედოს უმასპინძლებს. ნახევარფინალში გამარჯვებულები ერთმანეთს ფინალში დაუპირისპირდებიან, ხოლო დამარცხებული გუნდები მესამე ადგილისთვის იბრძოლებენ.
- 26 ივნისი | იბერია 1999 - დილა | დავით პეტრიაშვილი არენა | 20:00
- 27 ივნისი | სპაერი - ტორპედო | დავით პეტრიაშვილი არენა | 20:00
მესამე ადგილისთვის მატჩი 1 ივლიის გაიმართება, ხოლო სუპერთასის ფინალური შეხვედრა 2 ივლისს შედგება.