საქართველოს ეროვნული და 21-წლამდე ნაკრებები ნოემბერში წლის დასკვნით მატჩებს გამართავენ.
უეფას ერთა ლიგის 2024-25 წლის სეზონის მეხუთე შეხვედრას საქართველოს ნაკრები ალბანეთის წინააღმდეგ გამართავს. მატჩი 16 ნოემბერს, 21:00 საათზე, ბათუმის აჭარაბეთ არენაზე გაიმართება. 19 ნოემბერს, ერთა ლიგის ჯგუფური ეტაპის დასკვნით შეხვედრაში ჩვენი გუნდი ჩეხეთს ოლომოუცში ესტუმრება.
ევროპის ჩემპიონატის საკვალიფიკაციო ეტაპის პირველ შეხვედრას გამართავს 21-წლამდე ნაკრები. ახალგაზრდული, 15 ნოემბერს, მიხეილ მესხზე ხორვატიას უმასპინძლებს.
მედიის წარმომადგენელთა საყურადღებოდ: ნოემბრის სანაკრებო მატჩებზე აკრედიტაციის მოთხოვნა შეგიძლიათ გამოაგზავნოთ 10 ნოემბრის ჩათვლით, მითითებული ბმულის გამოყენებით.
ორგანიზაციამ ფორმის შევსებისას და ოფიციალურ წერილში უნდა მიუთითოს აკრედიტაციის მიღების მსურველი მედიის წარმომადგენლის სახელი, გვარი, პოზიცია, მატჩი, რომელსაც ესწრება კონკრეტული ჟურნალისტი და საკონტაქტო ინფორმაცია.
აკრედიტაციის მოთხოვნაზე პასუხს განაცხადების მიღების დასრულების შემდეგ, 13 ნოემბრის ჩათვლით მიიღებთ. გთხოვთ გაითვალისწინოთ, რომ მედია ორგანიზაციის ბეჭდით დამოწმებული ოფიციალური წერილის გარეშე გამოგზავნილი მოთხოვნა არ განიხილება.