21 დეკემბერს, საქართველოს ფეხბურთის ფედერაციის ლიცენზირებისა და მონიტორინგის დეპარტამენტმა, 2024/2025 წლების უეფას ლიცენზირების პროცესის ფარგლებში კლუბების წარმომადგენლებთან შეხვედრა გამართა.
მიხეილ მესხის სახელობის სტადიონზე ჩატარებულ შეხვედრას ეროვნული ლიგის და ქალთა ლიგა 1-ის 4 კლუბის წარმომადგენლები ესწრებოდნენ.
შეხვედრის ფარგლებში განიხილეს უეფას დებულებაში შემავალი ცვლილებები, მიმდინარე სტატუსი და სხვა საორგანიზაციო საკითხები. კლუბებმა ასევე ინფორმაცია მიიღეს გასული წლის ლიცენზირების და მონიტორინგის შედეგების შესახებ.