საქართველოს ფეხბურთის ფედერაციის პრეზიდენტი, ლევან კობიაშვილი, სფფ-ის პირველი ვიცე პრეზიდენტი კახა ჭუმბურიძე და ვიცე პრეზიდენტი აკაკი ალადაშვილი საფეხბურთო სკოლა „ვაზისუბანს” ესტუმრნენ.
92-ე საჯარო სკოლის ტერიტორიაზე საქართველოს ფეხბურთის ფედერაციისა და ადგილობრივი თვითმმართველობის ხელშეწყობით ევროპული სტანდარტის, საფეხბურთო სკოლა „ვაზისუბანი“-ს მშენებლობა მიმდინარეობს.
პროექტის დეტალები სტუმრებს საფეხბურთო სკოლა „ვაზისუბნის“ დირექტორმა ჯაბა დვალმა გააცნო. პროექტის ფარგლებში უკვე დასრულებულია ორი ხელოვნურსფარიანი მოედნის მშენებლობა, მაისის თვეში კი ბუნებრივსაფარიანი სტადიონის მშენებლობა იგეგმება.
ახალაშენებულ სტადიონზე სფფ-ის პროექტის „სახალისო საფეხბურთო სკოლების“ ფარგლებში საწვრთნელი ვარჯიშებიც გაიმართა, რომელშიც საფეხბურთო სკოლა „ვაზისუბნის“ ფეხბურთელებმა მიიღეს მონაწილეობა.
სკოლაში სტუმრად ასევე იმყოფებოდნენ ისნის რაიონის საკრებულოს მაჟორიტარი დეპუტატი და გამგებელი.
ამ ეტაპზე საფეხბურთო სკოლა „ვაზისუბანში“ 120-ზე მეტი ბავშვი ირიცხება. სკოლას ჰყავს როგორც გოგონათა, ისე რეგიონულ ლიგაში მოასპარეზე და ასაკობრივი გუნდები. აღსანიშნავია, რომ გოგონებისთვის საფეხბურთო სკოლაში სწავლა სრულიად უფასოა.
.jpeg?itok=H_qTDqld)
.jpeg?itok=UsutFPKn)
.jpeg?itok=1BXKVWqy)
.jpeg?itok=Or7v2vmj)
.jpeg?itok=RdEHXzHN)
.jpeg?itok=IMK73SVf)
.jpeg?itok=bQ0KoWR6)
.jpeg?itok=5sp1KWjp)
.jpeg?itok=JAQPWfYj)
.jpeg?itok=RRrbd_mL)
.jpeg?itok=yEjR-FKB)
.jpeg?itok=HlTPnfA_)
