სიახლეები

სფფ-ის კლუბების ლიცენზირების კომიტეტის სხდომა

ლიცენზირება
გაუზიარე

17 დეკემბერს სფფ-ის კლუბების ლიცენზირების კომიტეტის დასკვნითი სხდომა გაიმართა. 
ლიცენზირების პროცესში მონაწილეობა მიიღო კრისტალბეთ ეროვნულ ლიგაში, კრისტალბეთ ეროვნულ ლიგა 2-ში, ლიგა 3-სა და ლიგა 4-ში მოასპარეზე 46-მა საფეხბურთო გუნდმა და ქალთა ლიგის 14-მა საფეხბურთო გუნდმა.

სფფ-ის კლუბების ლიცენზირების კომიტეტის გადაწყვეტილებით, კლუბების ლიცენზირების დებულებებით განსაზღვრული კრიტერიუმების შესრულების საფუძველზე ლიცენზია მიიღო კრისტალბეთ ეროვნული ლიგის, კრისტალბეთ ეროვნული ლიგა 2-ის, ლიგა 3-სა და ლიგა 4-ის 35 მა საფეხბურთო გუნდმა. ასევე 9 ქალთა ლიგაში მოასპარეზე გუნდმა.

რაც შეეხება ზემოთხსენებულ ლიგებში მონაწილე 16 საფეხბურთო გუნდს, კომიტეტის მიერ უარი ეთქვა დებულებით გათვალისწინებული მოთხოვნების დაუკმაყოფილებლობის გამო. აღნიშნული გადაწყვეტილების გასაჩივრება კლუბებს მიმდინარე წლის 18 დეკემბრის ჩათვლით შეუძლიათ.

ს.კ. ქუთაისის „ტორპედოს“ კლუბის ფეხბურთელებისა და თანამშრომლების მიმართ დარჩენილი ფინანსური ვალდებულებების დასაფარად განესაზღვრა მიმდინარე წლის 28 დეკემბერი. აღნიშნული ვალდებულების დაუკმაყოფილებლობის შემთხვევაში, კლუბს ავტომატურად შეუჩერდება ლიცენზია გასაჩივრების უფლების გარეშე.