სიახლეები

21-წლამდე ნაკრების შემადგენლობა შვეიცარიისა და აზერბაიჯანის წინააღმდეგ

ნაკრები U21
გაუზიარე

საქართველოს 21-წლამდე ნაკრები ევრო 2021-ის საკვალიფიკაციო ეტაპის უახლოეს ორ შეხვედრას გორში გამართავს. თენგიზ ბურჯანაძის სახელობის სტადიონზე ვასილ მაისურაძის ფეხბურთელები შვეიცარიისა და აზერბაიჯანის ახალგაზრდულ ნაკრებებს დაუპირისპირდებიან. საქართველოში დაგეგმილი მატჩებისთვის მთავარმა მწვრთნელმა 23 ფეხბურთელი გამოიძახა.

მეკარეები: გიორგი მამარდაშვილი (ლოკომოტივი, თბილისი, საქართველო), დავით კერესელიძე (გაგრა, საქართველო), ლუკა სანიკიძე (თელავი, საქართველო)

მცველები: ლუკა ლოჩოშვილი (ვოლფსბერგერი, ავსტრია), ლუკა ლაკვეხელიანი (მეზოკოვეშდი, უნგრეთი), დავით კობოური (დინამო, თბილისი, საქართველო), ივა გელაშვილი (სპარტა, პრაღა, ჩეხეთი), ალექსანდრე ანდრონიკაშვილი (ლოკომოტივი, თბილისი,საქართველო), ლუკა ასათიანი (სამგურალი, წყალტუბო, საქართველო), თორნიკე ძოწენიძე (თელავი, საქართველო)

ნახევარმცველები: ნიკა ნინუა (პაოკი, სალონიკი, საბერძნეთი), ირაკლი აზაროვი (დინამო, თბილისი,საქართველო), გიორგი კუცია (დინამო, თბილისი, საქართველო), ანზორ მექვაბიშვილი (დინამო, თბილისი, საქართველო), დავით სამურკასოვი (ლოკომოტივი, თბილისი, საქართველო), ბექა დარცმელია (ლოკომოტივი, თბილისი,საქართველო), თორნიკე ძებნიაური (ლოკომოტივი, თბილისი, საქართველო), რევაზ ინჯგია (რადნიჩკი, სერბეთი), ლუკა სილაგაძე (ვალმიერა, ლატვია)

თავდამსხმელები: ვატო არველაძე (კარაგუმრუკი, სტამბოლი, თურქეთი), ნუგზარ სპანდერაშვილი (დილა, გორი, საქართველო), გიორგი გულიაშვილი (საბურთალო, თბილისი, საქართველო), სერგო კუხიანიძე (სამგურალი, წყალტუბო, საქართველო).

შეგახსენებთ, რომ გიორგი მამარდაშვილი ლიხტენშტაინთან მიღებული წითელი ბარათის გამო შვეიცარიასთან დისკვალიფიცირებულია, აღნიშნულ შეხვედრას ყვითელი ბარათების გამო აგრეთვე გიორგი კუცია გამოტოვებს. ორივე ფეხბურთელი ახალგაზრდულ ნაკრებს აზერბაიჯანთან შეხვედრაში შეურთდებიან.

მატჩების განრიგი

9 ოქტომბერი -  20 საათი
საქართველო - შვეიცარია

13 ოქტომბერი - 19 საათი
საქართველო - აზერბაიჯანი

მედიის წარმომადგენელთა საყურადღებოდ: აკრედიტაციის მოთხოვნა საქართველოს 21-წლამდე ნაკრების უახლოეს მატჩებზე შესაძლებელია 6 ოქტომბრის ჩათვლით. შეხვედრების აკრედიტაციების მიღების მსურველმა მედია ორგანიზაციებმა ისარგებლეთ შემდეგი ბმულით.

აღნიშნულ მატჩებზე წინა თამაშების მსგავსად, მედიის წარმომადგენელთათვის უეფას მიერ შემუშავებული რეგულაციების შესაბამისი შეზღუდვები იმოქმედებს. საქართველოს 21-წლამდე ნაკრების შეხვედრებზე მედიის წარმომადგენელთა შეზღუდული რაოდენობა დაიშვება.

შენიშვნა: ფაილის ასატვირთ ველში, განათავსეთ თქვენი ორგანიზაციის ოფიციალური წერილი აკრედიტაციის მოთხოვნის შესახებ.