საქართველოს ფეხბურთის ფედერაცია სტიუარდების შერჩევა-გადამზადების პროცესს იწყებს. კურსები ითვალისწინებს შესაბამის სასწავლო პროგრამას, რომელიც შედგება როგორც თეორიული, ისე პრაქტიკული ნაწილისგან.
კანდიდატთა შერჩევა გასაუბრების საფუძველზე მოხდება. გასაუბრებაზე დასწრების მსურველებმა უნდა გადმოაგზავნონ CV შემდეგ ელექტრონულ მისამართზე: [email protected]. განაცხადთა მიღება იწარმოებს 30 სექტემბრის ჩათვლით.
სტიუარდთა გადამზადების კურსზე შერჩეულ პირებს, გამოცდების წარმატებით ჩაბარების შემთხვევაში, გადაეცემათ შესაბამისი სერტიფიკატი და მომავალში მიეცემათ საშუალება აქტიურად ჩაერთონ საფეხბურთო ცხოვრებაში.