საქართველოს ფეხბურთის ფედერაცია „მსაჯთა აკადემიის“ მეოთხე ნაკადისთვის მსურველთა მიღებას იწყებს. მსაჯთა აკადემიაში სწავლა კურსის მონაწილეთათვის სრულად უფასოა. მსურველთა განაცხადების მიღება დღეიდან დაიწყო.
თუ გსურთ, გახდეთ „მსაჯთა აკადემიის“ კურსანტი და დაეუფლოთ მსაჯის პროფესიას, შეავსეთ განაცხადი 25 სექტემბრამდე სპეციალურად პროგრამისათვის შექმნილ ვებ-გვერდზე www.msaji.ge
განაცხადების მიღების შემდეგ პროგრამაში მონაწილეობის კანდიდატები შესაბამის გასაუბრებას გაივლიან. კურსანტის აკადემიაში მოხვედრის შემდეგ - მომზადება, ეკიპირება და სასწავლო მასალები უფასოა. სწავლის დამთავრების შემდეგ გექნებათ რეალური შანსი დაიწყოთ სამსაჯო კარიერა!
დამატებითი ინფორმაციისათვის, გთხოვთ, დარეკოთ 577 990 940.
შეგახსენებთ, რომ პირველად საქართველოში, ფეხბურთის ფედერაციის ინიციატივით, კურსის მონაწილეთათვის სრულიად უფასო მსაჯთა აკადემია 2017 წლის მიწურულს გაიხსნა. პროექტი ქართული ფეხბურთის განვითარების ფონდის დაფინანსებით ხორციელდება. ამ ეტაპზე მსაჯთა აკადემიას რამდენიმე ათეული კურსდამთავრებული ჰყავს.