სლოვაკეთის დედაქალაქში უეფას 42-ე კონგრესი მიმდინარეობს. კონგრესს, რომელსაც ევროპული ფეხბურთის მმართველი ორგანიზაცია ყოველწლიურად მართავს, საქართველოს ფეხბურთის ფედერაციის ოფიციალური დელეგაცია- საქართველოს ფეხბურთის ფედერაციის პრეზიდენტი, გენერალური მდივანი და ვიცე-პრეზიდენტები ესწრებიან.
კონგრესის მუშაობის დაწყებამდე ოფიციალურ წარმომადგენლებს სიტყვით მიმართა ევროპული ფეხბურთის მმართველი ორგანოს პრეზიდენტმა - ალექსანდრე ჩეფერინმა.
მისი თქმით, სწორედ შეკრებილ საზოგადოებს აქვს იმის ძალა, რომ მომავალში ფეხბურთის ჩამოყალიბებაში უდიდესი როლი შეასრულოს. მან ხაზგასმით აღნიშნა, ორგანიზაციის მზაობა, გახადოს ევროპული ფეხბურთი იმდენად მასშტაბური, რამდენადაც ეს შესაძლებელია.
ჩეფერინიმ მიღწეულ წარმატებებზე ისაუბრა, თუმცა ამასთან აღნიშნა, რომ მომავალში აუცილებელია ევროპული ფეხბურთის მმართველმა ორგანიზაციამ კიდევ უფრო დიდი მიღწევები დაისახოს მიზნად.
მსურველებს კონგრესის პირდაპირი რეპორტაჟის აღნიშნულ ბმულზე შეუძლიათ (http://www.uefa.com/insideuefa/about-uefa/organisation/congress/index.html)
უეფას 41-ე რიგითი ყრილობა გასული წლის 5 აპრილს, ფინეთში, კერძოდ ჰელსინკში გაიმართა.