ოთხთა ტურნირი დასრულდა

თბილისის ოთხთა საერთაშორისო ტურნირი 15-წლამდე ნაკრებებს შორის თურქეთის გამარჯვებით დასრულდა. საქართველოს ნაკრები კი 6 ქულით მეორე ადგილზე გავიდა.

მესამე ტურის მატჩები „ბენდელას“ სტადიონზე ჩატარდა. ლიტვამ 1:0 დაამარცხა ბელარუსი და 3 ქულით მესამე ადგილი დაიკავა, ბელარუსი კი 0 ქულით მეოთხეზე დარჩა.

გადამწყვეტ მატჩში თურქეთმა საქართველოსთან 5:0 მოიგო და 9 ქულით ლიდერობა არავის დაუთმო, ხოლო გიორგი ჩიტაურის გუნდი, რომელმაც იქამდე ლიტვას (6:0) და ბელარუსს (2:1) სძლია, ვერცხლს დასჯერდა.