ამხანაგური მატჩებისთვის ბილეთების ონლაინ გაყიდვა დაიწყო!

საქართველოს ეროვნული ნაკრები კვიპროსისა და ბელარუსის წინააღმდეგ 10 და 13 ნოემბერს ამხანაგურ შეხვედრებს გამართავს. 

გულშემატკივარს მატჩებზე დასასწრები ბილეთის შეძენა დღეიდან ინტერნეტის საშუალებით, ბმულებზე: საქართველო - კვიპროსი; საქართველო - ბელარუსი შეუძლია. შეგახსენებთ, რომ ბილეთი სჭირდება ყველა გულშემატკივარს.

ბილეთის ფასი 2 ლარია.

10 ნოემბერს, 17:00 საათზე გორის თენგიზ ბურჯანაძის სახელობის სტადიონზე ერთმანეთს საქართველოსა და კვიპროსის ეროვნული ნაკრებები დაუპირისპირდებიან. 13 ნოემბერს, 18:00 საათზე კი ქუთაისის რამაზ შენგელიას სახელობის სტადიონზე ჩვენი გუნდი ბელარუსს უმასპინძლებს.