ყაზახეთში ჩატარებული "პრეზიდენტის თასის" გათამაშება საქართველოს 17-წლამდე ნაკრებმა წაუგებლად დაასრულა, თუმცა ფინალში 1:1-ის შემდეგ, პენალტების სერიაში 4:5 დამარცხდა.
რუსეთთან მატჩი ქართველმა 17-წლამდელებმა კარგად დაიწყეს, მე-2 წუთზევე ხვიჩა კვარაცხელიამ გაიტანა, მაგრამ მეტოქემ პირველივე ტაიმში შეძლო გათანაბრება. საბოლოოდ, გუნდებმა შეხვედრა პენალტების სერიამდე მიიყვანეს, რაც მოწინააღმდეგის სასარგებლოდ დასრულდა.
ტურნირის საუკეთესო ფეხბურთელი ხვიჩა კვარაცხელია გახდა, ხოლო საუკეთესო ბომბარდირის პრიზი, 6 გოლით, ჩვენი გუნდის კაპიტანმა - ზურიკო დავითაშვილმა აიღო.
საქართველოს 17-წლამდე ნაკრებმა ფინალში ასეთი შემადგენლობით ითამაშა: ხარშილაძე, აბზიანიძე, მექვაბიშვილი, ნონიკაშვილი, კაპანაძე, აზაროვი, ჩოთალიშვილი, შალიკაშვილი, დავითაშვილი, გულიაშვილი, კვარაცხელია.
![](https://gff.ge/sites/default/files/styles/article_full_thumb/public/4b2ebdbf505349cabe0a98e764dac018.jpg?itok=dktdqj7t)
გაუზიარე