უეფას შტაბ-ბინაში ეროვნული ასოციაციების კომიტეტის სხდომა ჩატარდა. შეხვედრას შვეიცარიის ქალაქ ნიონში უეფას წევრი ასოციაციების 19 წარმომადგენელი დაესწრო. სხდომაზე, საქართველოს, კომიტეტის თავმჯდომარის მოადგილის სტატუსით, ფეხბურთის ფედერაციის პრეზიდენტი ლევან კობიაშვილი წარმოადგენდა.
ეროვნული ასოციაციების კომიტეტის სხდომაზე დღის წესრიგით რამდენიმე საკითხი განიხილეს, მათ შორის: ასოციაციების საქმიანობა, უეფას კონგრესი და სხვა მიმდინარე თემები. კომიტეტის სხდომა უეფას ვიცე პრეზიდენტმა გრიგორი სურკისმა გახსნა და დამსწრე საფეხბურთო საზოგადოებას სპეციალური სიტყვით მიმართა.