1 სექტემბერს საქართველოს ახალგაზრდული ნაკრები ევროპის ჩემპიონატის შესარჩევ ციკლს პოლონეთთან მატჩით იწყებს. შეხვედრა გორში, თენგიზ ბურჯანაძის სახელობის სტადიონზე გაიმართება. დასაწყისი 20:00 საათზე. ბილეთების ონლაინ-გაყიდვა დღეიდან ვებ-გვერდზე tkt.ge დაიწყო და მისი ფასი 2 და 3 ლარი იქნება. მატჩის დღეს კი იმუშავებს სალაროებიც.
დღეიდან დაიწყო მედია-აკრედიტაციების მსურველთა განაცხადების მიღებაც. მედია-ორგანიზაციებს შეუძლიათ წერილობითი ფორმით მოგვმართონ საქართველოს ფეხბურთის ფედერაციის პრესსამსახურს ელექტრონულ ფოსტაზე [email protected]. გთხოვთ, სათაურში აუცილებლად მიუთითოთ „საქართველო-პოლონეთი“.
მედია-აკრედიტაციები გაიცემა 30 აგვისტოს, თენგიზ ბურჯანაძის სახელობის სტადიონზე, სადაც 18:30 საათზე საქართველოს ახალგაზრდული ნაკრების მთავარი მწვრთნელი გია გეგუჩაძე ჩაატარებს მატჩისწინა პრესკონფერენციას. ჟურნალისტებისთვის ღია იქნება ვარჯიშის საწყისი 15 წუთიც.
![](https://gff.ge/sites/default/files/styles/article_full_thumb/public/385fdc269ed34d45be12e480b70b3158.jpg?itok=eLrbo2FB)
გაუზიარე