საქართველოს ფეხბურთის ფედერაციის პრეზიდენტი ლევან კობიაშვილი ფიზიკური აღზრდისა და სპორტის სახელმწიფო სასწავლო უნივერსიტეტის სპორტის მენეჯმენტის მაგისტრატურის სტუდენტებს შეხვდება. შეხვედრა 2017 წლის 25 მაისს უნივერსიტეტში გაიმართება და 14:00 საათზე დაიწყება. ლევან კობიაშვილი, სტუდენტების მიერ გამოხატული ინტერესის შესაბამისად, ფეხბურთში გატარებულ რეფორმებსა და მიმდინარე აქტუალურ საკითხებზე ისაუბრებს. შეხვედრას, რომელიც კითხვა-პასუხის რეჟიმში წარიმართება, ფიზიკური აღზრდისა და სპორტის სახელმწიფო სასწავლო უნივერსიტეტის ლექტორები და პროფესორ მასწავლებლები დაესწრებიან.
ამასთან, უნივერსიტეტში 19-წლამდე ევროპის ჩემპიონატის თასს მიიტანენ და 25 მაისს მსურველებს თასთან ფოტოს გადაღების შესაძლებლობა ექნებათ.
![](https://gff.ge/sites/default/files/styles/article_full_thumb/public/fe28677b524a467f99eda03c1288ff98.jpg?itok=TeDE7yS4)
სფფ
გაუზიარე