„რეგიონთა თასის“ გამარჯვებულმა, თბილისის გუნდმა გერმანიაში კიდევ ერთი გამარჯვება მოიპოვა. ახალგაზრდა ფეხბურთელებმა მაგდებურგელი თანატოლები ამხანაგურ შეხვედრაში 4:1 დაამარცხეს.
ვიზიტის ბოლო დღეს რეგიონთა თასის გამარჯვებულები ბუნდესლიგის მატჩს "ჰერტა" - "ჰოფენჰეიმს" დაესწრნენ, მანამდე ახალგაზრდა ფეხბრუთელები ჰერტას აკადემიას სტუმრობდნენ, სადაც აკადემიის ფეხბურთელებთან ამხანაგურ მატჩში 7:1 გაიმარჯვეს.
13-წლამდელთა „რეგიონთა თასი“ საქართველოს ფეხბურთის ფედერაციამ 2016 წელს, ფიფას მხარდაჭერით, პირველად ჩაატარა ა. ახალგაზრდა ფეხბურთელებთან შესაბამისი კვალიფიკაციის მქონე 20 მწვრთნელი მუშაობდა, რომელთაც გადამზადების კურსები , საქართველოს ფეხბურთის ფედერაციის მოწვევით, ფიფას მწვრთნელთა ინსტრუქტორმა – კიმ პაულსენმა ჩაუტარა. გათამაშების ფინალი თელავში, გივი ჩოხელის სახელობის სტადიონზე გაიმართა, სადაც თბილისის გუნდმა გამარჯვებულის ტიტულთან ერთად გერმანიის საგზური მოიპოვა. ვიზიტი გერმანიაში დღეს დასრულდა.
![](https://gff.ge/sites/default/files/styles/article_full_thumb/public/52b77dd6127f418e9f7e3e71e78fff54.jpg?itok=hDqjIQeJ)
მასობრივი ფეხბურთი
გაუზიარე