უეფას 21-წლამდე ევროპის ჩემპიონატისადმი მზადების ფარგლებში, ბათუმში სახანძრო-სამაშველო სიმულაციური სწავლება ჩატარდა.
შინაგან საქმეთა სამინისტროს საგანგებო სიტუაციების მართვის სამსახურის სახელმწიფო რეზერვებისა და სამოქალაქო უსაფრთხოების სერვისების სააგენტოს ორგანიზებითა და საქართველოს ფეხბურთის ფედერაციის ჩართულობით, ღონისძიებას ბათუმი არენამ უმასპინძლა.
სიმულაცია საგანგებო სიტუაციების დროს ქცევის წესების, ხანძრის ქრობის და დაშავებულთა ევაკუაციის თეორიულ და პრაქტიკულ სავარჯიშოებს მოიცავდა. პრაქტიკული სწავლების განმავლობაში, სტიუარდებმა სახანძღო-სამაშველო უსაფრთხოების ზომების დაცვისა და საგანგებო სიტუაციების დროს მოქმედების შესახებ ცოდნა და გამოცდილება აიმაღლეს.
უეფას 21-წლამდე ჩემპიონატი 21 ივნისიდან 8 ივლისის ჩათვლით საქართველოსა და რუმინეთში გაიმართება. ჩემპიონატის თამაშებს საქართველოს სამი ქალაქი – თბილისი, ბათუმი და ქუთაისი უმასპინძლებს. მატჩებზე დასასწრები ბილეთების გაყიდვა, აბონემენტების ფორმატში, 13 მარტიდან დაიწყო.
