საქართველოსა და რუმინეთში ჩატარებული უეფას 21-წლამდე ევროპის ჩემპიონატი ინგლისის ნაკრების გამარჯვებით დასრულდა. ფინალურ შეხვედრაში, რომელსაც ბათუმი არენამ უმასპინძლა, ინგლისელებმა ესპანეთის ნაკრები დაამარცხეს – 1:0.
მატჩის ერთადერთი გოლი პირველი ტაიმის კომპენსირებულ წუთებზე გავიდა – თავი კერტის ჯონსმა გამოიჩინა. ესპანეთის ნაკრებს ანგარიშის გათანაბრება ბოლო წუთზე შეეძლო, თუმცა აბელ რუისის დარტყმა ჯეიკობ ტრაფორდმა მოიგერია. ინგლისელთა მეკარემ ტურნირის ექვსივე შეხვედრაში შეინახა კარი მშრალად.
მატჩი დასრულების შემდეგ ბათუმი არენაზე დაჯილდოების ცერემონია გაიმართა. ევროპის ჩემპიონატის გამარჯვებული და ვიცე-ჩემპიონი უეფას გენერალურმა მდივნის მოადგილემ ჯორჯო მარკეტიმ, საქართველოს ფეხბურთის ფედერაციის პრეზიდენტმა ლევან კობიაშვილმა, რუმინეთის ფეხბურთის ფედერაციის პრეზიდენტმა რაზვან ბურეანუმ და ფინალისტი ქვეყნების ფეხბურთის ფედერაციის პრეზიდენტებმა დააჯილდოვეს.
ევროპის ჩემპიონატის საუკეთესო ბომბარდირისთვის განკუთვნილი ჯილდო სამმა ფეხბურთელმა, ესპანელებმა აბელ რუისმა და სერხიო გომესმა და უკრაინის ნაკრების ფეხბურთელმა, გეორგი სუდაკოვმა. ტურნირის საუკეთესო ფეხბურთელად ინგლისის ნაკრების შემტევი, ენტონი გორდონი დასახელდა.
