უეფას 21-წლამდე ევროპის ჩემპიონატის ფარგლებში, რომელიც საქართველოსა და რუმინეთში ტარდება, განახლდა უეფას საზოგადოებრივი ცნობიერების ამაღლების კამპანია „სუფთა ჰაერი, უკეთესი ფეხბურთი“. კამპანიის ფარგლებში, ტურნირის მასპინძელ ქვეყნებში სხვადასხვა აქტივობები გაიმართა.
ინიციატივა მიზნად ისახავს ცნობიერების ამაღლებას ჰაერის დაბინძურების მავნე ზემოქმედებაზე, რომელიც ჯანდაცვის მსოფლიო ორგანიზაციის მონაცემებით, მსოფლიოში ყოველწლიურად შვიდ მილიონზე მეტ ადამიანს კლავს.
ტურნირის რვავე მასპინძელ სტადიონზე და სავარჯიშო ცენტრებში განთავსდა „გადამუშავების კონტეინერები“ გუნდებისთვის, ოფიციალური პირებისთვის, გულშემატკივრებისთვის, მოხალისეებისთვის და პერსონალისთვის, რათა ჩემპიონატში ჩართულმა პირებმა მონაწილეობა მიიღონ ნარჩენების დახარისხებაში. ნარჩენების დახარისხება და გადამუშავება ხელს უწყობს ჰაერის ხარისხის გაუმჯობესებას და გადამწყვეტ როლს ასრულებს კლიმატის ცვლილებაზე. ნარჩენების დახარისხებამ შეიძლება შეამციროს დაკავშირებული ემისიები 45 კგ-დან 3 კგ CO2-მდე.
უეფამ და მასპინძელმა ფედერაციებმა სოციალური მედიის გამოწვევის საშუალებით, შეიმუშავეს აქტივობები ეკოლოგიური ტრანსპორტის გამოყენების წახალისებისთვის. გულშემატკივრებს, რომლებიც სტადიონებზე ეკოლოგიური ან საზოგადოებრივი ტრანსპორტით მივიდნენ, შესაძლებლობა ჰქონდათ გამოექვეყნებინათ სურათები სოციალურ მედიაში #CleanerAirBetterGame კამპანიის ჰეშთეგით, ეკოლოგიური ტრანსპორტის პოპულარიზაციისთვის.
ევროპის ჩემპიონატის ფარგლებში, უეფამ ტურნირის მასპინძელ საქართველოსა და რუმინეთში, ადგილობრივ ფეხბურთის ფედერაციასთან ერთად სხვადასხვა აქტივობები, მათ შორის დასუფთავების აქცია გამართა. კამპანია ჩემპიონატის მასპინძელ ხუთივე ქალაქში გაიმართა. თბილისში, შესაბამის აქტივობებს პაიჭაძის და მესხის სტადიონებმა უმასპინძლა.
