საქართველოსა და რუმინეთში მიმდინარე უეფას 21-წლამდე ევროპის ჩემპიონატზე პირველი ტური დასრულდა.
საქართველოში მიმდინარე A და C ჯგუფებს, საქართველოს და ინგლისის ნაკრებები ლიდერობენ. საქართველოს ნაკრებმა ტურნირის გახსნით შეხვედრაში პორტუგალიას სძლია, ხოლო ინგლისმა – ჩეხეთი დაამარცხა. A ჯგუფის მეორე მატჩი, ბელგიასა და ნიდერლანდებს შორის ფრედ, 0:0 დასრულდა, ხოლო C ჯგუფში, გერმანიის და ისრაელის მატჩი დასრულდა ფრედ – 1:1.
B ჯგუფში, პირველი ტური წარმატებული ესპანეთის და უკრაინის ახალგაზრდული ნაკრებებისთვის გამოდგა. ესპანეთის ნაკრებმა ტურნირის თანამასპინძელი რუმინეთი დაამარცხა დიდი ანგარიშით (3:0), ხოლო უკრაინამ ხორვატიას სძლია.
D ჯგუფში ლიდერობას შვეიცარია და საფრანგეთი იყოფენ. შვეიცარიის ნაკრებმა სასტარტო შეხვედრაში ნორვეგიას მინიმალური სხვაობით (2:1) სძლია, საფრანგეთმა კი, ამავე ანგარიშით იტალიის 21-წლამდე ნაკრებს სძლია.
საქართველოში გასამართი მეორე ტურის მატჩები:
გულშემატკივართა საყურადღებოდ: საქართველო – ბელგიის მატჩის დღეს, 24 ივნისს, პაიჭაძის სტადიონზე სალაროები არ იმუშავებს. მატჩზე დასასწრები ბილეთების შეძენა under21tickets.ge-ზე და 10:00-დან 18:00-მდე მესხის სტადიონის სალაროებში იქნება შესაძლებელი.
