საქართველოში უეფას 21-წლამდე ევროპის ჩემპიონატის თასის მოგზაურობა იწყება. ამ მნიშვნელოვანი მოვლენის აღსანიშნავი ღონისძიება 26 მარტს, ბათუმში, ერას მოედანზე გაიმართება და 19:00 საათიდან დაიწყება.
26 მარტს, თასი ბათუმის ქუჩებს კოკა-კოლას ჯადოსნურ ქარავანთან ერთად მოივლის და ბათუმის ევროპის მოედანს მიადგება, სადაც მასპინძელ ქალაქში თასის შემოტანის საზეიმო ცერემონიასთან დაკავშირებით, კონცერტი გაიმართება. კონცერტში მონაწილეობას მიიღებენ ყველასათვის კარგად ნაცნობი და საყვარელი მომღერლები და ბენდები, მათ შორის, ნუცა ბუზალაძე, სალიო, ანსამბლი შვიდკაცა, სოფო ხალვაში და სხვადასხვა ადგილობრივი ბენდები.
საქართველოს მასშტაბით თასი ტურნირის ადგილობრივი სპონსორის, კოკა კოლა ბოთლერს ჯორჯიას ჯადოსნური ქარავანით იმოგზაურებს. ღონისძიების პირდპირ ტრანსლაციას, 19:30 საათიდან აჭარის ტელევიზია შემოგთავაზებთ.
შეგახსენებთ, რომ უეფას 21-წლამდე ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით, საქართველოს სამ ქალაქში, თბილისში, ქუთაისსა და ბათუმში გაიმართება.
