უეფას 21-წლამდე ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით გაიმართება. მედიის წარმომადგენელთა აკრედიტირების პროცესი უეფას ოფიციალური მედია პლატფორმის საშუალებით მოხდება.
მედიის წარმომადგენლები, ვინც ამ დრომდე არ არიან დარეგისტრირებული უეფას მედია პლატფორმაზე, თავდაპირველად უნდა დარეგისტრირდნენ პლატფორმაზე აღნიშული ბმულის გამოყენებით და მოგვიანებით 21 წლამდე ევროპის ჩემპიონატის აკრედიტაციაზე უნდა გააკეთონ განაცხადი.
უშუალოდ ჩემპიონატის აკრედიტირების პროცესი უეფას მედია პლატფორმაზე (FAME) რეგისტრირებული მედიის წარმომადგენლებისთვის 14 აპრილს გაიხსნება და 7 მაისს, თბილისის დროით 17 საათზე დაიხურება.
21 ივნისიდან 8 ივლისის ჩათვლთ, საქართველოში უეფას 21-წლამდე ევროპის ჩემპიონატის 16 შეხვედრა გაიმართება. მათ შორის ჯგუფური ეტაპის 12 მატჩი, ორი მეოთხედფინალი, ნახევარფინალი და ფინალური შეხვედრა, რომელსაც ბათუმი უმასპინძლებს.
დამატებითი კითხვების შემთხვევაში მიმართეთ სფფ-ის პრესსამსახურს.
