ქუთაისი

ევროპის ერთ-ერთი უძველეს ქალაქ ქუთაისს საკმარისზე მეტი აქვს თანამედროვე ვიზიტორების აღფრთოვანებისთვის.

ქუთაისის სამეფო უბანი ქალაქის ისტორიული ნაწილია, რომელიც მოიცავს თეთრი ხიდის მიმდებარე ტერიტორიას და რამდენიმე პატარა ქუჩას. აქ შეგიძლიათ გაეცნოთ ქალაქის მე-18 და მე-19 საუკუნეების არქიტექტურას, ასევე მოინახულოთ ოპერის თეატრი, სპორტის მუზეუმი, კოლხური შადრევანი და პატარა საყვარელი და მყუდრო კაფეები.

სამეფო უბანში ყოფნისას აუცილებლად ეწვიეთ ქუთაისის ისტორიულ-ეთნოგრაფიულ მუზეუმს. განსაკუთრებით საინტერესოა არქეოლოგიური განყოფილება.

დღესდღეობით ქუთაისის მუზეუმში 150 000-ზე მეტი ექსპონატი ინახება. მათ შორის, ბრინჯაოს ხანის აღმოჩენების ფართო კოლექცია, კოლხური ცულები და ბრინჯაოს ქანდაკებები.

პირველი ცნობები ქუთაისის ებრაული უბნის შესახებ 1644 წლით დარიღდება. ეს ადგილი, სადაც შესაძლებელია სამი სინაგოგის მონახულება, დღესაც მიმზიდველია ვიზიტორებისთვის.

ეწვიეთ რეზო გაბრიაძის მარიონეტების თეატრს და იხილეთ თოჯინების წარმოდგენა, რომელიც განკუთვნილია ყველა ასაკის მაყურებლისთვის.

თუ გრძნობთ, რომ ქალაქისგან დასვენება გჭირდებათ, შეგიძლიათ სიმშვიდე იპოვოთ ქუთაისის ბოტანიკურ ბაღში, სადაც დაახლოებით 700 სახეობის მცენარეს შეხვდებით.

ქალაქი ქუთაისი უძველესი მეფეების, პოეზიის, მითოლოგიის, ლიტერატურის, მუსიკის სახლია და მზადაა დარწმუნდეს, რომ თავს კარგად გრძნობთ.