საქართველოსა და ბელგიის ახალგაზრდული ნაკრებების მატჩზე, უეფას 21-წლამდე ევროპის ჩემპიონატის ფინალური ეტაპის ისტორიაში, თამაშზე დასწრების ახალი რეკორდი დამყარდა.
პაიჭაძის სტადიონზე ჩატარებულ მატჩს 41,887 მაყურებელი დაესწრო, რაც ტურნირის ფინალური ეტაპის ისტორიაში საუკეთესო მაჩვენებელია.
საქართველოში, 1996 წელს, ბარსელონაში ჩატარებული იტალიისა და ესპანეთის მატჩზე დამყარებული რეკორდი გაუმჯობესდა, რომელსაც 35,500 ათასი გულშემატკივარი დაესწრო.
აღსანიშნავია, რომ პაიჭაძის სტადიონი ყველაზე დიდი არენაა, სადაც უეფას 21-წლამდე ჩემპიონატის ჯგუფური ეტაპის მატჩი ჩატარებულა.
მომდევნო მატჩი პაიჭაძის სტადიონზე 27 ივნისს, 20:00 საათზე ჩატარდება. ერთამანეთს საქართველოს და ნიდერლანდების 21-წლამდე ნაკრებები დაუპირისპირდებიან. თამაშზე დასასწრები ბილეთების შეძენა under21tickets.ge-ზეა შესაძლებელი.
