სიახლეები

საქართველოს ნაკრებმა ფუტსალში პორტუგალიის ნაკრებს 4:2 სძლია

ფუტსალი
გაუზიარე

 კალდაშ და რაინაში, გუშინ 24 ოქტომბერს მსოფლიო გრანდმა ფუტსალში, პორტუგალიის ეროვნულმა ნაკრებმა საქართველოს ნაკრებს უმასპინძლა. ჟორჟე ბრაზის ფორმაციის ვარსკვლავური ნაკრები პირველივე წუთებიდან ცდილობდა ანგარიშის გახსნას და უკვე მე-2 წუთზე მარინიოს დარტყმულმა მიზანს მიაღწია. ქართველებმა რამოდენიმე მწვავე კონტრშეტევა განახორციელეს და ბებეს კარის 2-ჯერ ჯერ ალთუნაშვილმა ხოლო პირველი ნახევრის მიწურულს შელეგიამ დალაშქრეს. 1:2

 მეორე ტაიმში მსოფლიო დონის ვარსკვლავური ოთხეული: რიკარდინიო,კარდინალი,გონსალო და არნალდო მთელ მოედანზე დომინირებდნენ, თუმცა ასათიანის და არველაძეს შეგირდებმა ამჯერადაც დამაჯერებლად ითამაშეს და მე-3 ბურთი გაუტანეს მასპინძლებს. – ჭანუყვაძე ინდივიდუალურად.

 1.58 წუთით ადრე შეხვედრის დასრულებამდე რიკარდინიომ მინიმუმამდე შეამცირა ანგარიშში სხვაობა, მაგრამ რამდენიმე წამში სებისკვერაძის ზუსტმა გადაგზავნილმა ცივი შხაპი გადაავლო ლუზიტანიელთა იმედებს. 2:4

პორტუგალიის ფეხბურთის ფედერაციის მაღალჩინოსნებმა მიულოცეს საქართველოს ნაკრებს გამარჯვება და აღნიშნეს რომ 24 ოქტომბერი ქართული ფეხბურთის ისტორიაში ოქროს ასოებით ჩაიწერება.

ბექა კვიციანი,

სპეციალურად სფფ-ის პრესსამსახურისათვის