ლატვიის საკურორტო ქალაქ პალანგაში მიმდინარე საერთაშორისო ტურნირზე საქართველოს 17-წლამდელთა ნაკრებმა დღეს მეხუთე ადგილი დაიკავა, დაამარცხა რა ლიტვის ნაკრები 3:0.
დღევანდელ შეხვედრაში ქართველი ჭაბუკების უპირატესობა დიდი იყო, რაც ანგარიშშიც აისახა: პირველ ნახევარში, 25 წუთზე ირაკლი შეყილაძემ გახსნა ანგარიში, შესვენების შემდეგ კი 70-ე წუთზე ჯერ ძალამიძემ გააორმაგა უპირატესობა, 75-ე წუთზე კი იმავე შეყილაძემ დუბლი მიითვალა.
პირველ ტაიმში მსაჯმა შელაპარაკებისთვის საქართველოს 17-წლამდელთა ნაკრების კაპიტანი დათა რიგვავა გააფრთხილა.
საქართველოს 17-წლამდელთა ნაკრებმა ლიტველთა წინააღმდეგ შემდეგი შემადგენლობით ითამაშა:
დ.მეფარიძე, ბ.მირცხულავა, დ.რიგვავა (კაპ), დ.მეგრელიშვილი, ნ.შონია, ლ.გუგუჩია, გ.მელიქიშვილი, ნ.ძალამიძე, ი.შეყილაძე, ზ.ხურციძე (გ.ვაშაკიძე 41), ჯ.ანანიძე (მ.მამულაძე 65)
გაუზიარე